Суудал тавиагүй хүүд бүү уурла, эмээ минь
Магадгүй та залуу харагдсан байх, харин ч баярлаарай
Хөл дээр чинь гишгэсэн залууд бүү уурла, бүсгүй минь
Магадгүй та таалагдаад өдсөн байх,харин ч та баярлаарай
Гэрийн ажилдаа туслаагүй охиндоо бүү уурла, ээжээ
Магадгүй бусдын ажилд туслаад завгүй байсан байх,харин ч та баярлаарай
Ээж аавынхаа зэмлэлд буу уурла, дүү нар минь
Магадгүй тэд чам шиг залуу явснаа мартсан байх,ойлгоорой
Мөнгө зээлүүлээгүй найздаа бүү уурла, анд минь
Итгэлээ зээлдүүлж болохгүй гэдгийг ухааруулж өгсөнд нь баярлаарай
Чамайг тоогоогүй бусгүйд бүү уурла, залуу минь
Өөрөөсөө илүү бүсгүйтэй учрах боломжийг олгосон түүнд баярлаарай
Оройтож ирсэн хүүдээ бүү уурла, ааваа
Магадгүй унааны мөнгөөрөө айлын охинд бэлэг авч өгсөн байх та баярлаарай