Excel-д математикийн үйлдлүүдийг хийж болохоос гадна янз бүрийн үүрэг бүхий функцүүд байдаг. 
Excel-д функцүүдийг яаж ашигласнаас хамаарч мэдээлэл боловсруулалтын чанар, хурд, үр дүн хамаарах учир тэдгээрийг бүх боломжит хувилбараар ашиглаж сурах хэрэгтэй. Өргөн хэрэглэгддэг функцүүдээс заримийг нь авч үзье.
Математикийн үйлдлийн тэмдгүүд:
+  - нэмэх
-   - хасах
*  - үржүүлэх
/  - хуваах
^  - зэрэгт дэвшүүлэх 
Функц болон томъёолол бичихдээ тэнцүүгийн тэмдгээр эхэлж бичих бөгөөд түүнд бичигдэх томъёоллыг англи үсгээр бичнэ.
Жишээлбэл: =(A1+B2^2)/C2, =SUM(A1:A5,B5:C5)
Функц болон томъёолол бичихэд нүдний хаягийг үнэмлэхүй, харьцангуй, нийлмэл гэсэн хэлбэртэйгээр бичнэ.
Үнэмлэхүй хаяг    - SAS5 мөр ба багана үнэмлэхүй
Харьцангуй хаяг    - А5 мөр ба багана харьцангуй
Нийлмэл хаяг        - SА5 багана үнэмлэхүй, мөр харьцангуй 
- АS5 багана харьцангуй, мөр үнэмлэхүй
Харьцангуй хаяг гэдэг нь тухайн хаяг өөр орчинд харьцангуй өөрчлөгдөхийг хэлнэ. Үнэмлэхүй хаяг гэдэг нь тухайн хаяг өөр орчинд үл өөрчлөгдөхийг (тогтмол) хэлнэ. 
Жишээлбэл: А6 нүдэнд =SUM(A1:A5) функц байсан гэж үзье. Уг функцийг В6 нүдэнд хуулбал SUM(B1:B5) болж өөрчлөгдөж байгаа учраас энэ хаяг нь харьцангуй хаяг болно. А6 нүдэнд =SUM(SAS1:SAS5) функц байсан гэж үзье. Уг функцийг В6 нүдэнд хуулбал =SUM(SAS1:SAS5)  болж үл өөрчлөгдөж байгаа учраас энэ хаяг нь үнэмлэхүй хаяг юм.
Функц нь аргументийн утгыг бодох бөгөөд аргумент нь ихэнх функцүүдийн хувьд 30 хүртэл байж болно.

Математик функцууд тэдгээрийн үүрэг
Төрөл бүрийн функцүүд ашиглан хүснэгт дэх тоон мэдээлэлд тооцоо хийж болно. Функцийг томъёоны мөр дээр бичдэг. Хэрэглэгч өөрөө функцээ бичиж болохоос гадна бэлэн бичиглэлийг ашиглаж болно. Бичиглэлийг Insert цэсээс Function команд сонгон хэрэглэнэ. Эсвэл стандарт хэрэгслийн мөрийн AutoSum товчийг хэрэглэнэ. 
Функцүүдийг дараах ангилалд хуваадаг. 
1.  Саяхан ашиглагдаж байсан                        - Most Recently Used
2.  Бүх функцүүд                                            - All 
3.  Санхүүгийн функцүүд                               - Financial    
4.  Он сар өдөр, цагийн функцүүд                 - Date Time 
5.  Математик, тригонометрийн функцүүд    - Math &Trig 
6.  Статистикийн функцүүд                             - Statistic
7.  Лавлагаа харах функцүүд                          - Lookup reference    
8.  Өгөгдлийн сангийн функцүүд                   - Database 
9.  Тексттэй ажиллах функцүүд                      - Text        
10. Логикийн функцүүд                                   - Logical
11. Мэдээллийн функцүүд                               - Information  гэж ангилдаг.
Функцийн талбар хэсэгт ямар үүрэгтэй, ямар утга оруулах зэрэг тайлбар хийгдсэн байдаг. 
Функц бичих нүдээ идэвхижүүлээд = тавина. Дараа нь шаардлагатай функцээ бичнэ. 
Жишээ
Нүдэнд байгаа утгууд                      Жишээ                Үр дүн
B3 = 2, В4 = 4, В5 = 6              =AVERAGE(B3,B4,B5)         4
B3 = 2, В4 = 4, В5 = 6              =PRODUCT(B3,B4,B5)         48
B3 = 2, В4 = 4, В5 = 6              =COUNT(B3:В5)                   3
B1 = 2, C1 = 4, D1 = 6              =SUM(B1,C1,D1)                 12
B1 = 2, C1 = 4, D1 = 6              =MAX(B1,C1,D1)                  6
B1 = 2,  С1= 10,D1 = 6             =MIN(B1:D1)                        2
SUMIF (нөхцөл шалгах цонх,нөхцөл, нийлбэр олох цонх)
А1=2, A2=15, A3=4, A4=8, A5=21      
=SUMIF(A1:A5;”>10”)  36
Функцийн параметр нь тогтмол утгууд, нүдний хаягууд, муж байж болно. Дээрх жишээн дээрх функцүүдийн үүргүүдийг авч үзье.
Average - Өгөгдсөн утгуудын арифметик дунджийг бодно.
Product - Өгөгдсөн утгуудын арифметик дунджийг бодно.
Count-Өгөгдсөн утгуудаас тоон утгуудынх нь тоог олно.
Sum-Өгөгдсөн утгуудын нийлбэрийг бодно.
Max-Өгөгдсөн утгуудын хамгийн их утгыг нь олно.
Min-Өгөгдсөн утгуудын хамгийн бага утгыг нь олно.
SumIf - Өгөгдсөн утгуудаас нөхцөлт нийлбэрийг бодно.

Эх линк