.: Дуудлагаар принтерийн хор хүргэнэ. 94008233 :..: FUSA зарна. :..: Дуудлагаар принтерийн хор хүргэнэ.89181154 :..: Дуудлагаар принтерийн хор хүргэнэ.94228233 :..: Бохирын шугамын ажил :..: Суурь цутгалт :..: Дуудлагаар принтерийн хор хүргэнэ.94228233 :..: Бетон зуурмаг Beton zuurmag :..: Дуудлагаар принтерийн хор хүргэнэ.89181154 :..: Officet hamgaalagch avna. Nam gum tseverhen orchind ajillana. Tsalin sard 2 udaa :..: Бетон зуурмаг нийлүүлнэ :..: ХЯМДРАЛТАЙ, ЧАНАРТАЙ, Англи Орос Хятад хэл, 89995823, Fb: Orchuulga Agii Bono, ag :..: сэлбэг зарна :..: өрлөгийн багаж зарна :..: сэлбэг зарна :..: сэлбэг зарна :..: портер зарна :..: Дуудлагаар принтерийн хор хүргэнэ. 94008233 :..: 21-р хороололд 2 өрөө байр түрээслүүлнэ. :..: Дуудлагаар принтерийн хор хүргэнэ.89181154 :..: Төмөр зам Богд ар хороололд 2 өрөө байр түрээслүүлнэ. Утас 91002089 :..: Дуудлагаар принтерийн хор хүргэнэ.94228233 :..: ХЯМДРАЛТАЙ, ЧАНАРТАЙ, Англи Орос хэл орчуулга, 89995823, Fb: Orchuulga Agii Bono :.
Р.Чойном : Бяцхан сургаал
2010:11:27 15:49:45

Тунгааж бодоогүй юуханд ч гэсэн
Туйлын дүгнэлт битгий хий
Тусдаа өөрөө толгойтой нь учир
Тулгарсан юманд сүүлд нь дуугар.

Хүний амьдралд чухаг мөртөө
Хүүхэд хэлдэггүй сургаал гэж бий
Хүй ертөнцөд элбэг мөртөө
Хүүхэнд хэлдэггүй үг гэж бий.

Өнөө үдэш голсон хоол
Өглөө босоход эрдэнэ болдог
Өсөхийн цагт хайхраагүй янаг
Өтлөхийн үед бурхан гэгддэг.

Зун цагт новш болсон юм
Зудтай өвөл аминд орох ч бий
Хот газар булаацалддаг зүйл
Холын хөдөөд хог дээр хэвтэх ч бий.

Хадтай газар хадуур хэрэггүй
Модтой газар савар хэрэггүй
Морьтой хүнд бензин хэрэггүй
Мотоциклтой хүнд ташуур хэрэггүй.

Аргалын эвэр тэмээнд хэрэггүй
Адууны сүүл ямаанд хэрэггүй
Архины лонх шувуунд хэрэггүй
Алтан бөгж сармагчинд хэрэггүй.

Бөөгийн хэрэгсэл ламд гай
Бөхийн зодог эхнэрт лай
Бурхан тахил чөтгөрт дараа
Буу саадаг чавганцад төвөг.

Байгаль болоод хүний ёсонд
Байх байр зохицох зохицол гэж бий
Амьдрал болоод номын ёсонд
Арцаж болдоггүй орон зай гэж бий.

Хэн бүхэн балчир хүүхдийг өхөөрдөвч
Хээр тааралдвал айж зэвүүцнэм вэ
Хэвтэж байхдаа амьтны яс сонин ч
Хэл ороод босож ирвэл аюул гэдэг тэр.

Ууланд байхад мод гэдэг үзэсгэлэн ч
Унтаад босоход гэрт ургасан байвал ямар вэ ?
Усанд байхдаа загас гэдэг хөөрхөн ч
Уртын замд шөнө морьтой загас таарвал ямар вэ ?

Оронд тэврэхэд бүсгүй хүн тааламжтай ч
Олны газар тэр шалдан харагдвал ямар вэ
Од мичид огторгуйдаа чимэг
Ойчоод түрвэл нь дэлхий юу болох вэ.

Хөлийн оймсыг гарт өмсөгвөл ямар вэ
Хөхөөний дуугаар нохой донгодвол ямар вэ
Хөхний даруулгыг нүдэндээ зүүвэл яах вэ
Хөрсний анжисаар дээл эсгэвэл яах вэ.

Зохицохгүй юмыг зохицуулах гэвэл
Зовлон болохоос ашиг болохгүй
Зохицох ёсон гэвч дотроо бас
Зориуд тааруулсан өөрийн цагтай.

Үлгэрлэвээс өглөө галлах эхнэр
Үд өнгөрөөж босвол хэрэг юун
Үерхэж явсан нөхөр туслах тусаа
Үхсэн хойно санавал тус юун.

Үелзүүр залууд гоёж явсан гоёл
Үсэн бууралтахад инээдэм төдий
Үймээний жил түмнийг аварсан зэвсэг
Үе нь өнгөрөхөд түүхийн дурсгал төдий.

Учир иймээс амьд сэрүүн цагтаа
Урьд хойныг нь бодож юм бүхнийг зохицуул
Улс амьтны ёс горимыг дагаж
Ул суурьтай зүйн дотор яв.

Бусдыг хэлэхээсээ өөрийгөө урьтаж шинж
Буруу зөвөө ухаант хүнээс асуу
Цагийн юмыг цаг алдалгүй хэрэглэ.
Цагаас урьтаж элдэвт битгий сүйд.

Нийтэлсэн: b.b-e | Шүлэг | Үзсэн 22757

Нэр: Б.Б-Э
Төрсөн Өдөр: Үлгэр эхэлдэг өдөр
Орд: Олуулаа
Төрсөн газар: Луу гариг
Мэргэжил: Манаач
Боловсрол: Цэцэрлэг
И-мэйл: bolderdene@dindon.mn
Yahoo id: bbe_mn
Товч тайлбар: Би бол чи биш. Би бол би.