Гадаадын болон дотоодын их дээд сургуульд үнэ төлбөргүй суралцах боломжийг
“Их монгол ФМ-99.7 радио” танд олгож байна

Их монгол фм-99.7 радио 2010 оны 11-р сард сайн үйлсийн аян зарлаж өрх толгойлсон 3 хүүхэдтэй нэн ядуу эмэгтэйд тусалж өргөө цагаан гэр бэлэглэж байсан. Тус радиогийн хамт олон Солонгосын Ёожүгийн  их сургууль болон Монголын Радио телевизийн дээд сургуультай хамтран сайн үйлсийн аянаа үргэлжлүүлж энэ удаад авъяаслаг залуусыг гадаадын болон дотоодын их дээд сургуульд 4 жил үнэ төлбөргүй сурах боломжийг олгож байна. Урлаг болон Радио телевизийн салбарт хөл тавих сонирхолтой, 18-25 насны залууст энэ боломж нээлттэй юм. Амьдралын боломж тааруу, сургалтын төлбөрөө төлөх чадваргүй болон бүтэн, хагас өнчин хүүхдүүдэд туслах зорилгоор зохион байгуулж байгаа “Сайн үйлсийн аян-2”-ийн ерөнхий зохион байгуулагчаар Их Монгол ФМ-99.7 радио болон Солонгосын Ёожүгийн их сургууль мөн Монголын Радио телевизийн дээд сургууль ажиллаж байгаа бол Нийслэлийн засаг даргийн тамгийн газар, БСШУЯ, Солонгос улсын элчин сайдын яам хамтран оролцож байна. Шалгаруулалтанд төлбөрийн чадваргүйн улмаас суралцах боломжгүй болсон оюутнууд, Ерөнхий боловсролын сургуулийн төгсөх ангийн сурагч, мөн сургуулиа төгсөөд 5 жилээс хэтрээгүй залуус оролцох боломжтой юм. Бүртгэл эхлэсэн учир залуус та бүхэн яараарай. Бүртгүүлэхийг хүссэн залуус
• Ерөнхий боловсролын сургууль төгссөн гэрчилгээний хуулбар
• Иргэний үнэмлэхний хуулбар
•  Цагдаагийн газрын тодорхойлолт
• Хорооны тодорхойлолт,
• 2 хувь цээж зурагтайгаа Гранд Плаза 12 давхар 1201 тоотод ирж бүртгүүлээрэй. 
Дэлгэрэнгүй мэдээллийг 9811-9796 9999-5503 утсаар лавлах боломжтой. Гадаадын болон дотоодын их дээд сургуульд 4 жил үнэ төлбөргүй суралцах боломжийг залуус та бүхэн бүү алдаарай.   

Намайг дэмжиж доорх линк дээр дарсан танд баярлалаа.